எல்லாரும் எல்லாமும் பெற வேண்டும்
எல்லாரும் எல்லாமும் பெற வேண்டும் – இங்குஇல்லாமை இல்லாத நிலை வேண்டும்
வல்லான் பொருள் குவிக்கும் தனி உடமை – நீங்கி
வரவேண்டும் திருநாட்டில் பொதுவுடமை
(எல்லாரும்…)
எல்லாரும் எல்லாமும் பெற வேண்டும் – இங்கு
இல்லாமை இல்லாத நிலை வேண்டும்
வல்லான் பொருள் குவிக்கும் தனி உடமை – நீங்கி
வரவேண்டும் திருநாட்டில் பொதுவுடமை
(எல்லாரும்…)
இருட்டில் மறைந்து கொள்ள விளக்கணைப்பார் – சிலர்
கிணற்றில் இருந்து கொண்டு உலகளப்பார்
நெருப்பை மடியில் வைத்து மறைத்திருப்பார் – அந்த
நீசரை யார் உலகில் பொறுத்திருப்பார்
(எல்லாரும்…)
பாலென அழுவோர்க்குப் பால் தருவோம் – பசுங்
கூழெனத் துடிப்போர்க்கு சோறிடுவோம்
தாயகம் காப்போரின் தாள் பணிவோம் – யாவும்
தனக்கென நினைப்போரை சிறையிடுவோம்
(எல்லாரும்…)
எல்லாரும் எல்லாமும் பெற வேண்டும் – இங்கு
இல்லாமை இல்லாத நிலை வேண்டும்
வல்லான் பொருள் குவிக்கும் தனி உடமை – நீங்கி
வரவேண்டும் திருநாட்டில் பொதுவுடமை
(எல்லாரும்…)
– 1964-ல் வெளிவந்த ‘கருப்புப் பணம்’ திரைப்படத்திற்காக இப்பாடலை எழுதியவர் கவிஞர் கண்ணதாசன்.
கருத்துகள் இல்லை